Comune di Austis (NU) Sardegna

Chie semus

Sa responsabilidade de su progetu est de Dr. Nicola Cantalupo. Amus trabballadu a cuncordu cun totu sos dipendentes e sos amministradores de sa Comuna de Austis. At collaboradu a s'istèrrida de sas pàginas, e ddis torramus gràtzias, sa Dot.ssa Stefania Sotgiu e sos dischentes de su cursu de iscritura de su sardu.

Su progetu torrat a s'annualidade 2005, e dd'at finantziadu sa Lege 15.12.1999, n.482 “Norme in materia di tutela delle minoranze linguistiche storiche”. Est partzidu in duos interventos: s'iscritura de unu giassu internet e su cursu de formatzione. Su giassu, custu chi seis leghende, tenet s'obietivu de ammustrare sos singiales linguìsticos presentes in s'allega/sas allegas de sa bidda de Austis. S'est fata una chirca in pitzu de sos iscritos presentes e a pustis de àere ordimingiadu su materiale, amus fatu intervistas a testimòngios de su faeddare locale. Su resurtadu sunt sas ischedas linguìsticas presentes in sas setziones Ischedas Culturales e Ischedas Linguìsticas.